perfection

It's not ur problem that u make mistakes

It's not ur problems that I seek perfection 

nobody is perfect 

the problem is that I consider u my superhero 

the chosen one 

Mr.Perfect 

so when u make a tiny mistake 

I feel it's huge 

coz I don't feel it's normal

am not that perfect 

I make mistakes 

am ugly sometimes 

am cruel most of the times 

but I love u all the time 

and I will love u at any time 

and since u r the One 

plz try to make ur mistakes  "none"

يارب

يا رب

يا الله

ربي لا تعلق قلبي بما ليس لي و من ليس لي

و اجعل لي فيما احب و من أحب نصيب

يارب ... يارب 

يمكن

يمكن

الكلمه الوسطى بين الشك و اليقين

الكلمه الوسطيه المتوسطه الوسطى

الكلمه المترنحه

بين الابيض و الاسود

هي كلمه رماديه

يستخدمها البعض ليبرئ نفسه من تهمه ما

من فخ ما

من اساءة ما

الكلمه الاكثر دبلوماسيه

الكلمه العائمه الهائمه الملبده بغيوم الغموض

نعم

هي كلمة الغموض الغامض

هي كلمه غامضه

"يمكن "

يمكن اكون غلط يمكن ابقى صح

يمكن اكون ملاك يمكن ابقى شيطان

يمكن اكون انسان يمكن ابقى .....

يمكن ... يمكن

"بيقولوا"

على فكره اللي بيحصل دلوقتي ده من مجازر

-بغض النظر مين القاتل و مين المقتول -

هي السبب الاول و الرئيسي فيها ترويج الاشاعات

الاشاعات هي اللي بتدمر و بتحرق و بتفتن

ايام 25 يناير 2011 اثناء ال 18 يوم

رغم دعمي قلبا و قالبا للثوره و مطالبها و نزولي مظاهرات اسكندريه

و عمري ما شكيت للحظه في انتماءات الثوار او زايدت علي وطنيتهم

بس مانكرش ان للحظات الشك جه فطريقي و لمس قلبي لوهله

من كتر التضليل الاعلامي و كلمة "بيقولوا" و نشر معلومات مغلوطه سواء عالفيسبوك او تويتر عن اعتصامات التحرير

قولت ما بدهاش

انا مش حصدق حد

مش حصدق غير عيني

قررت اروح اشوف بنفسي

روحت و شوفت بنفسي و اطمأن قلبي

نرجع لمرجوعنا

خلينا نكون متفقين ان الناس بتكره الاخوان -مش بعمم بس ده بقى أمر واقع خلينا نقول الاغلبيه-

و ده لاسباب كتير

اولها : حكم مرسي الفاشل لمدة سنه كامله

ثانيهم : تاريخ الاخوان الدموي و متاجرتهم بالدين

ثالثهم : ان اللي كنا بنشوفه من فصائل الاخوان -اللي مش قيادات- الناس العاديه كانوا دايما بيحسسونا انهم اللي على حق
 و ان الاسلام حكر ليهم و ان باقي الناس "ربنا يهديهم"

فيه عوامل كتير ولدت نفور الناس من الاخوان

كل الحاجات دي اتراكمت و ادت للمهزله اللي شايفينها دلوقتي

بس هل الشرطه و الجيش فبراءه من اللي بيحصل دلوقتي؟!

حاشا لله

مش حننسى مشاهد يوم 25 و 28 يناير 2011

مش حننسى الشرطه عملت ايه فالمتظاهريين "السلميين"

مش حننسى التعذيب و الاهانه و البلطجه على مدار 30 سنه فهعد مبارك

طب والجيش؟!

مش حننسى المجلس العسكري

مش حننسى كشوف العذريه

مش حننسى "ست البنات المسحوله"

بس نرجع ونقول

هو مين اللي عين السيسي اللي مش عاجب الاخوان دلوقتي؟

هو مين اللي اشترى غاز و معدات و اسلحه للشرطه على احدث طراز؟ و يا ترى كان المقصود بيها اعادة هيكلة الشرطه ولا اعادة "بهدلة" المواطنين؟

طيب نسيب النقطه دي

خلينا فاللي بيحصل دلوقتي

الشرطه و الجيش فضوا اعتصام رابعه و النهضه

و الخطه الجهنميه الخرافيه اللولبيه اللي عملوها دي كلللللللللللللللللل ده ماعرفوش يقبضوا عالقيادات والعقول المدبره؟!

طيب و المتظاهريين اللي تبع الاخوان هما سلميين فعلا؟ ولا مسلحين؟ ولا ايه ظروفهم بالظبط؟!

من الاخر عاوز تتأكد من حاجه انزل شوف بعينك

ماتصدقش حد

ماتصدقش اعلام

ماتصدقش الا عينك و بس

لو مش متأكد بنفسك ماترددش اي حاجه و فالاخر تبقى ساهمت فنشر فتنه ماتعرفش اولها من اخرها

حاجه تانيه حلوه اوي ممكن تعملها

تسكت خالص

ماتتكلمش

خليك فبيتك معزز مكرم

و مالكش دعوه بحاجه

ادعي ربنا يفك كرب البلد و يزيل الهم ويحقن الدماء "ايا كانت الدماء لمين"

خلاصة القول فيه لعبة قذره بتتلعب والضحيه فيها اي مواطن غلبان سواء كان راجل واقف بيحمي بيته فلجنه شعبيه او متظاهر سلمي بيعبر عن رأيه او حتى مجند غلبان فى أمن مركزي او عسكري فى الجيش

كلنا ضحايا

مين المستفيد بقى؟!

الله اعلم

فالنهايه بقول

اللهم اضرب الظالمين بالظالمين واخرجنا منهم سالمين
اللهم انر بصائرنا و ارنا الحق حقا و ارزقنا اتباعه وارنا الباطل باطل و ارزقنا اجتنابه
اللهم من اراد لهذا البلد كيدا او فتنه فرد كيده في نحره و اكفنا شره

ياااااااااااااااااارب

سلام

هو ازاي بقى حلم البني ادم انه يعيش فسلام؟

ازاي و هو عايش فبلده  وسط اهله يكون بيتمنى يحس بالامان؟!

هو ليه وصلنا لكده و ازاي؟!

رحلة اليقين

رحلة اليقين

برنامج عبقري للاستاذ معز مسعود

هذا البرنامج يجعلني اعيش في حالة سمو اخلاقي و فكري و روحي غير عاديه

يذكرني بأني أفكر .. لي عقل .. أمتلك الحق  في ان اسأل و اتدبر و اتفكر

"هو ربنا خلقنا ليه؟ هو مين ربنا؟ هو ربنا مخلوق؟ "

قد تبدو عذه الاسئله مفزعه لدى كثير من الناس

ظاهرها اسئله باطله و لكنها بداية رحلة الوصول للحق ذاته

كثيرا منا يسأل و يتفكر

لما خلقنا؟ من الله؟ هل خلق الاله؟

مع تفكر شديد و تدبر فالكون والخلق و الجسد البشري و التكوين الكوني و البشري والخلقي

بالاضافه الى قراءه متمعنه متدققه متحققه للقران

سنصل الى الحقيقه

اسئله ظاهرها بسيط باطنها عميق

لم نأخذ الدين مسلم به؟ لم نؤمن ايمانا اعمً ليس ايمانا مستنيرا متيقنا؟!

لم نسأل أسئله ولا نجتهد فالبحث عن اجابتها؟

امن الممكن ان يكون تكاسل؟ فيلجأ المرأ الى أن يريح باله و يبعد عقله عن الذهاب الى تلك المنطقه الشائكه ؟

سؤالي لمدعي الايمان.. كم كتابا قرأت؟ الم يقل الله" اقرأ" ؟

كم من مرة تفكرت و تأملت؟ ألم يقل الله "أفلا تفكرون؟!"

كم من مرة تعقلت و تدبرت؟ ألم يقل الله " افلا تعقلون؟! "

أتعمد وضع علامات الاستفهام وعلامات داخل سياق الايات الكريمه

لأن الله عز و جل وضعها في سياق الاستفهام والتعجب

يتعجب اله الكون من وضع البشر لما لا يتفكرون على الرغم من ان الله ميزهم بالعقل

ان لم نفكر و نتفكر و نتأمل

فلما خلقنا الله بشرا و لم يخلقنا انعاما؟!

قررت أقلع الحجاب !

"أنا قررت اقلع الحجاب"

كلمه بنسمعها كتير

و الفعل بنشوفه اكتر فكل حته

تلاقي واحده محجبه انهارده

كمان يومين تلاقيها قلعت الحجاب

او واحده بقالها سنييييين طويله محجبه

فجأه ومنغير اي مقدمات تلاقيها مش لابسه الحجاب

يا ترى ايه سبب الظاهره دي؟

أو بمعنى اصح

مين السبب فيها؟

هل نقص معلومات دينييه؟

معلومات مغلوطه؟

نقص ايمان؟

سوء فهم؟

ايه بالظبط؟!

أنا شايفه ان ده كله مع بعض

يعني فيه بنات مثلا تقرالها كتابين لنوال السعداوي

ولا مقالين عن حرية المرأه من كتاب بير السلم

ولا تحس انها اصلا بتلبس ضيق و مش ماشيه تبع الضوابط الشرعيه للحجاب

فتقرر تقلعه

عن تجربه شخصيه

حوالي 99% من اللي شوفتهم قدامي قلعوا الحجاب

 ناس من النوع التالت

طيب والناس اللي وصلت ان الحجاب مش فرض؟

و بيدافعوا عن ده بكل قوتهم؟

طيب خلينا نقول من وجهة نظر الناس اللي محجبات عن اقتناع

هو ايه الحكمه من فرضية الحجاب؟

أولا الحكمه من فرضية الحجاب او ال"خمار" كما ذكر فالقران

هو الستر

الحجاب او الخمار بمعنى الحجب

الخمر سميت خمر لأنها بتحجب العقل عن الاستخدام البشري

طيب وبالنسبه للحجاب؟

الحجاب فرض لأنه بيحمي البنت و بيحمي المجتمع

الحجاب مش بس حجاب مظهر

حجاب المظهر ده جزء

الجزء الاكبر هو حجاب الفكر

انك تحجب نفسك و فكرك و قلبك عن المعاصي

ارتقاء

سمو

ارتفاع روحي

حاله عاليه جدا

من اي حد بيقدر يوصلها اكيد

بس هي بتبدأ بحجاب المظهر

طيب

نرجع تاني للناس اللي بتقلع الحجاب لأنهم شايفين انه مش فرض

اومش مقتنعين بفرضيته

مش حجادل

مش حجيب أيات

مش حجيب ادله و براهين على فرضيته

بس حقول حاجه واحده

"انتي خسرانه ايه؟"

والله لو فرض تبقى خدتي الثواب و طعتي ربنا و حميتي نفسك من سؤال ربنا ليكي عنه

طب و لو مش فرض؟

برضو ماخسرتيش حاجه

حميتي نفسك

عززتي نفسك و خليتي اللي حواليكي يبصولك بنظره تانيه

مش مجرد سلعه رخصيه اي حد يتفرج عليها

غطيتي نفسك و خليتي اللي قدامك يتعامل معاكي بفكرك

و بذكائك و ثقافتك و اخلاقك

مش بمظهرك و شكلك

و اه على فكره قبل مانسى

الحجاب مالوش اي علاقه بالموضه

الحجاب اصلا حكمته اخفاء الزينه

أما بالنسبه للناس اللي بتنادي بحرية المرأه

الحجاب هو قمة الحريه و المساواه بالجنس الاخر

لأن زي ما قولت قبل كده

اللي حيتعامل مع واحده محجبه ملتزمه بحجابها الشرعي

حيتعامل مع فكرها و عقلها و اخلاقها

مش جسمها مش شكلها مش اي حاجه تانيه

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه