Remember remember the 20th of december
Remember.. remember.. remember
Never ever forget :)
Remember.. remember.. remember
Never ever forget :)
السبت، 21 ديسمبر 2013
الأحد، 15 ديسمبر 2013
اسطمبات !
بما اننا فايام سوده
فانا اعتقد انه ماجتش على دول يعني
اليومين دول الظاهره المنتشره
"دعاة التحرر المزعومين "
تعالوا نتعرف على الشكل الاسطمباوي للمتحررات
عاوزه تبقي متحرره؟؟!!
بسيطه ...
اقلعي الحجاب
البسي قصير
غيري صورة بروفايلك خليها صوره قديمه
ياريت لو ابيض و اسود
قولي انك بتحبي الجراما فون
بتحبي تتفرجي عالافلام القديمه
بتحبي رشدي اباظه و سعاد حسني
صوري صور اسكندريه القديمه
و حواري القاهره القديمه
قولي عالحجاب "كفن" وانه كبت للحريات
و افردي شعرك و قولي انك كده حره
اتصوري صور مع شله كبيره
اخرجي و سافري و اتفسحي فكل حته لوحدك
روحي كل حفلات مكتبة اسكندريه
اه
ماتنسيش حفلات "مشروع ليلى"
ماتنسيش تتفرجي بقى على افلام ايطالي و فرنساوي
اقري روايات "ممكن تكوني مش فاهمه نصها"
فيه حاجه تانيه نسيتها؟!
اه
اهم حاجه
ماتنسيش تاخدي من التحرر المظهر بس
ماتنسيش تاخدي من التحرر الشكل الخارجي
انسي خالص تحرر العقل
انسي تحرر الفكر
انسي التعمق فتحليل الامور
قلدي
قلدي كل صحابك
قلدي الناس اللي حواليكي اللي معتبراهم مثال للتحرر
قلدي
اوعي تكوني نفسك
اياكي !!
خيكي اسطمبه
خليكي من ضمن الاسطمبات ...
متحرره
ماحدش حيصدق
من اسعد لحظات حياتي لما بسيب شغلانه
لما بقرر فجأه و منغير اي مقدمات اني مش حكمل فالشغل ده
لانه مابيتفقش مع مبادئي
لانه مابيتفقش مع اهدافي
من امتع لحظات حياتي
لما اخد القرار ده
اني ماخليش حاجه تأسرني
لا فلوس
ولا منصب
ولا سلطه
مافيش حاجه ممكن تاسرني
انا متحرره من قيودي
يمكن ده بدفع تمنه
من عدم الاستقرار
و لحظات احس فيها اني ماحققتش حاجه
بس بفوق نفسي
عالاقل انا عارفه استمتع بحياتي
عارفه اقول "لأ"
دي نعمه فحد ذاتها ماحدش بيتمتع بيها الا من رحم ربي
انا انا مش بتغير
انا انا مش حتنازل عن مبادئي فحياتي
مش بدعي الفضيله
بس المبادئ مالهاش علاقه بالفضيله
المبادئ هي الموقف اللي بيعبر عن قناعاتك الداخليه
سواء صح او غلط
سواء الناس متفقين معاك او لأ
مبادئي فالحياه
مش حموت ضميري
مش حعمل حاجه تصغرني فنظر نفسي
مش حسمح لحاجه تاسرني
مش حبطل احب
مش حتصنع
مش حبطل اكون طبيعيه و تلقائيه
مش حعمل اللي على هوا الناس
مش حتنازل عن تحرري
و فيه حاجه مهمه اوي كمان مش حتنازل عنها
"هو" عشان "هو" تحرري
الاثنين، 2 ديسمبر 2013
مش قادره!
مش قادره اعيش بمعايير ارضكم
مش قادره اتعايش
مش قادره احس باللي "مابتحسوش" بيه
مش قادره افبرك
مش قادره ازور
مش قادره انافق
مش قادره اغش
مش قادره اخدع
مش قادره اعيش بفكركم
مش قادره احط ايدي فايد اي حد فيكم
مش قادره ابص فوشوشكم
مش قادره
مش قادره
مش قادره
مش قادره احس ان ده مكاني
مش قادره "ماحسش"
مش قادره اموت ضميري
مش قادره "اقضيها"
مش قادره
مش قادره اكتب
مش قادره .. تعبت
الأحد، 1 ديسمبر 2013
احبه
احبه
فهو يبتاع لي الكتب
فهو من يأتي لي بالحلوى
احبه
فهو من يرسم على وجهي البسمه
فهو من يمسح من على وجهي الدمعه
احبه
فنحن نجري سويا
ونلعب سويا
ونتسابق سويا
احبه
فمعه اشعر بحريتي
اشعر بكامل حريتي
اشعر باني حره محرره من كل القيود
اشعر باني لست على هذا الكوكب اللعين
احبه
احبه ولا اشعر بالخوف معه
احبه
احبه ولا اشعر بالخزي معه
احبه
احبه ولا اشعر بالخجل معه
احبه
فمعه اشعر اني انا
اشعر اني مزدانة دون زينه
اشعر اني انا .. و انا هو ... و نحن كيان واحد مفصول في جسدين منفصلين
احبه
الاشتراك في:
الرسائل (Atom)