خير الأمور الوسط
يعني فمصر بس تلاقي
الحرامي الجدع..والنصاب الكريم..والبخيل الحنين
برضه فمصر تلاقي
المحجبه واللي لابسه نقاب و مش باين منها حاجه,و برضه حتلاقي اللي لابسه محزق
واللي عامله تاتوه على كتفها
فيه المسلم الملتزم
وفيه المتشدد اللي بيحرم كل حاجه..وفيه المسيحي اللي مكبر و اللي
مابيفوتش قداس
و الحلو بقى ان فوسط
كل المتناقضات ديه..الاغلبيه وسط فكل حاجه..يعني يعرفوا
ربنا وفنفس الوقت
بيستمتعوا بالحياه
و اللي معاه فلوس
يادوب ستراه...حتى فاشكالنا قليل لما تلاقي واحده حلوه اوي او
واحد وحش اوي...كلنا
وسط
الطبيعي بقى ان ده
منعكس على السياسه برضه..
يعني فال 18 يوم كنت
تلاقي الليبرالي والعلماني والاخواني و السلفي و المسيحي
واللي مالوش اتجاه
و ده شوفناه برضه فمرشحين الرئاسه: شوفنا الليبرالي زي البرادعي, و
الاخواني زي
ابو الفتوح و السلفي زي ابو اسماعيل و الاشتراكي الناصري زي الصباحي و
الفلول
زي عمرو موسى و لسه ياما حنشوف
السؤال بقى اللي بيطرح نفسه..هل حنحافظ على التنوعيه ديه فانتخابات
الشعب؟؟؟ ولا
حتبقى حكر لذوات الذقون؟؟!!
نفسي الانتخابات الجايه بما انها "انتخابات الشعب" نلاقي كل فئات
الشعب فيها
نفسي البرلمان الجاي يبقى بجد بيعبر عن مصر والمصريين
نفسي اشوف الليبرالي قاعد جنب السلفي و الاخواني مع الناصري و المسيحي
يارب نحافظ على أحلى مافي مصر.. الوسطيه و التنوع
