انا اسفه

مش عارفه انهارده انا ليه رغايه كده

بس ممكن يكون ده يوم الافكار العالمي بالنسبالي

وانا عالنت شوفت فيديو عن الاعتذار

حسيت قد ايه الاعتذار ده حاجه مهمه اوي بالنسبه ليا

انا بحب اعتذر

هي غريبه شويه بس بجد انا بحب اعتذر

بحس احساس جميل اوي لما بعتذر لحد انا غلطت فحقه

بحس اني انتصرت على نفسي

بحس بصفاء و نقاء و سلام نفسي رهيب

سلام نفسي مايتوصفش

بحب اوي الاحساس ده

احساس الاعتراف بالغلط

الاول كنت دايما بستعلى اني اعتذر

بس دلوقتي بجد

بقى اكتر حاجه تسعدني اني اعتذر لشخص غلطت فحقه

اكتر حاجه بتستفزني و تخنقني بقى

ان لو حد غلطان فحقي مايعتذرليش

واللي بيغظني اكتر ان لما يبقى نفس الشخص اللي غلطانه فحقه

هو غلطان فحقي

انا اعتذر وهو لأ

و ايه بقى لما يقول "حصل خير"

طيب على فكره انت كمان غلطت فحقي

مش انا لوحدي

طب ليه بقى انت مش بتتجرأ وتعتذر انت كمان؟!

الموضوع يمكن يكون فعلا محتاج شوية جرأه

بحس انه قمة الجبن انه الواحد يكون غلطان و مايعترفش بالغلط

و مايعتذرش عن غلط عمله

خليك شجاع

قول "أنا اسف"