محدث النعمه

مش عارفه ليه دبي دي سيريتنها بتستفزني

انا ولا بحسها جميله

ولا وهميه

ولا بشوف فيها اي حاجه عدله اصلا

زي ما معظم الناس ان ماكنش كلهم شايفنها كده

أولا أنا بحس انها دوله محدثة نعمه

طب وأحس ليه؟

هما فعلا محدثين نعمه

عارف لما يكون واحد طول عمره شحات

و حافي

اول مايجيله فلوس كتير يشتري بيها كلها لبس؟

طل عارف لو واحد طول حياته جعان

أول ما فلوس كتير اوي تجيله يشتري بيها اكل؟

أهو انا بقى بحس ان دبي دي كانت زي اخينا ده

كانت حافيه و عريانه

أول ما لبست

لبست توب مش توبها

نفسي اعرف ايه اللي بيميز دبي غير الموضه

والمولات ناطحات السحاب

و الفنادق الفاخره

فين الجامعات العالميه اللي تنافس جامعات أمريكه وأوروبا؟

فين المستشفيات اللي مفيش لها مثيل فالعالم كله؟

فين مراكز البحث العلمي

فين النهضه!!!

فرحانين بكام برج و شوية رفاهيات مالهاش اي نص لازمه

فرحانين ببيوت ازياء

و ديسكوهات

و بارات

و فنادق

و ناطحات سحاب

فرحانين بأيه؟

دبي دي فيها ايه عربي؟

تقليد اعمى للغرب و بس

نفسي اعرف حاجه واحده بس تخلي الناس تحب دبي

نفسي احس بحاجه واحده تخلي البشر مبهورين و فخورين انها بلد عربي

نفسي بجد اشوف حاجه واحده فيها تدل على انها بلد عربي مسلم

حفضل طول عمري شايفاها بصورة الحافي العريان الجعان

محدث النعمه