26-7-2013

للاسف لساني عجز عن الكلام

و عقلي شل عن التفكير

الحق ضائع وسط الباطل

و الخير تايه وسط الشر

ما عنديش غير دعاء واحد بس اقوله

"اللهم اضرب الظالمين بالظالمين وأخرجنا منهم سالمين"

اللهم أمين .....

Every Time

Every time we have a fight 

I realize that you are so important to me 

you give a very special flavor to my life 

without you my life is a semi life 

I am semi-breathing , but am not alive 

if only our problems could easily be solved 

if only our tensions could merely be dissolved 

If only you and me can just stop fighting 

If only we stop consider problems exciting 

Whenever you are away I feel so lonely 

Whenever you are close I feel that the sky is smiley 

I love you and are you are my life 

don't be away coz you make me feel alive! 

ربنا يهديك يا ابليس

طبعا ابليس غني عن التعريف

ابليس اللي اتطرد من الجنه

اتطرد من رحمة ربنا

لأنه قرر انه يعاند ربنا

قرر انه يشقلب موازين الكون

عشان يثبت لرب العالمين

ان الانسان ضعيف

و انه مش احسن منه فحاجه

المعركه من الاول كانت معركة تحدي

ابليس قرر يتحدى ربنا باستخدام البشر

طب هو ابليس مافكرش يتوب ؟

ماخطرش على باله فيوم انه ممكن يتوب؟

اي نعم ده ماذكرش فأي من الكتب السماويه

و غالبا ده مش حيحصل

بس ليه لأ؟

مش يمكن ربنا يكون حافظ اسرار خصها لنفسه بس؟

و ده اكيد موجود

طب و ليه ابليس مايتوبش الى الله؟

هل لأنه قانط من رحمة الله؟

ولا ماجالوش فرصه يتوب؟

ولا هو برضو شايف دايما انه مش غلط وانه ماعملش حاجه غلط يتوب عنها؟

بمعنى اخر بيكابر انه يعترف بغلطه

طب هو ابليس مدرك اللي عمله؟

مدرك اللي بيعمله واللي حيعمله؟

السؤال بقى

لو لو لوووو يعني ابليس قرر يتوب

هل ليه توبه؟

هل ممكن ربنا يتقبل منه؟

هل معقول ده يحصل اصلا؟!

الله اعلى و اعلم

انا حقيقي بتمنى من قلبي ربنا يهدي ابليس

و مش بعيد يكون ابليس تاب اصلا من زمان

و تكون ذنوبنا و معاصينا دي اللي بنلزقها فابليس

هي بسبب ضعف نفوسنا ميه فالميه و ابليس برئ منها

المهم ربنا يهدينا جميعا

و ربنا يهديك يا ابليس!

طعم النجاح

الحكايه بدأت بضيق

بخنقه .. بألم ... بشعور بالوحده وسط ناس اعتبرتهم فيوم من الايام جزء مني 

شعور بالاحباط 

باليأس 

حسيت ان النهايه قربت 

فجأه .. الأمل ظهر تاني 

بعد ما كان خلاص اختفى  واتمسحت ملامحه 

اتقبلت فتدريب المدربين 

احسن تدريب فمصر 

اتقبلت انا و 38 واحد وواحده فمصر 

من بين الاف 

و بين الالاف دول اختاروا 6500 CV 

و من السيفيهات دي اختاروا 500 بس عشان يعملوا الانترفيو ويدخلوا الامتحان 

و من الخمسميه دول اختاروني انا و 38 واحد وواحده 

و من ال 38 واحد وواحده انجح واكون من الاوائل كمان 

التدريب كان فالقاهره 

عديت صعبات كتير 

صعوبة السفر اولهم 

ان القطر يتعطل بيا 8 ساعات فالسكه 

اني اسكن فمكان بيتقطع فيه الكهربا والميه تقريبا "طول اليوم" 

ان المسافه من مكان سكني لمكان التدريب ساعتين

اني اركب تلات مواصلات رايح وتلاته جاي 

اني اكون غريبه فبلد غريبه 

ابويا وامي بعيد عني 

اهلي اللي عايشين فنفس البلد ماحدش فيهم يسأل عليا مجرد سؤال

صحابي اللي كلت معاهم عيش وملح فجأه اكنهم مايعرفونيش 

مشقة العيشه فالقاهره لوحدي مسؤله عن نفسي 

افتقدت صوت امي اوي 

حنيتها .. ضحكتها... زعلها مني .. حتى أكلها 

افتقدت ابويا و نرفزته و عصبيته و حنيته 

افتقدت رزالة اخويا و هزاره و ضحكه وهبله 

افتقدت القطط :) 

افتقدت سريري و اوضتي و منطقتي 

افتقدت شغلي  

افتقدت كل حاجه 

الموقف اكيد ماكنش كله دراما و تشويق ومغامرات 

الكوميديا كانت سيدة الموقف اوقات كتير 

دايما الكوميديا كانت غالبه فالمواصلات 

خصوصا من تباعين المكروباصات 

او سواقين مكروباصات الصحراوي 

او حتى ركاب القطر 

عمري ما شوفت واحد يسوق مكروباص من القاهره لاسكندريه وايده فالمتور و ايد الركاب كمان هههههههههههههههههههه

:

وغيره طبعا من المواقف 

حسيبني من كل اللي فات ده 

الأهم بقى من كل ده الجندي المجهول 

اللي ماكنش بيسيبني لحظه 

حتى وهو فاسكندريه 

علاطول جنبي و ساندني 

اسهر اذاكر يسهر معايا 

اسافر يسافر معايا 

القطر يقف بيا فوسط السكه يركب و يجيلي 

مانسيش مناسبه خاصه بيننا 

مازهقش من وقوفه جنبي فيوم 

ماتخنقش ماملش 

كان واقف جنبي وقت ما كل اللي حواليا بعدوا عني 

كان سبب راحتي و تطميني فوقت انا كنت خايفه فيه 

كان مؤمن بيا فالوقت اللي انا يأست فيه من نفسي و قدراتي 

كل حاجه بيعملها معايا باخلاص 

اي موقف 

اي تشجيع 

اي جدعنه 

كل حاجه طالعه من القلب بجد 

نجاحي فالتدريب ده اغلى عندي من اي نجاح تاني 

لأن كل ثانيه كانت بتعدي كان وراها حاجات كتيييير اووووي اوي 

الاهم من الدراسه القيمه جدا 

و طريقة التفكير اللي اتطورت و فرأيي اتغيرت للاحسن 180 درجه 

هو اني اتعلمت حاجات كتير بجد 

اتعلمت اني ماعتمدش على حد ولا ادي حد اكبر من قدره 

اتعلمت ان الانسان موقف 

عرفت غلاوة امي و ابويا عندي بجد

عرفت اني عمري ماقدر اتغر عن بلدي 

اذا كنت طلعت بره اسكندريه شهرين كنت حموت 

امال لو سيبت مصر بحالها!! 

اتعلمت اقدر قيمة كل حاجه 

كل احساس جميل 

كل مشاعر صادقه 

كل حد يقدملي اي حاجه ولو صغيره ايا كانت الحاجه دي 

اتعلمت اني ماندمش على حاجه كويسه عملتها و ماتقابلتش ساعتها الا بالشر 

لأن ربنا بيشيل الخير و مش بيضيعه 

و عرفت 

اني فأيدي كنز حقيقي اسمه "عبد الله" 

الجندي المجهول 

اللي هو السبب الحقيقي بجد فنجاحي 

و فأي حاجه كويسه ممكن اوصلها فحياتي 

شكرا بجد على اي حاجه كويسه او وحشه حصلتلي 

عشان منها انا اتعلمت 

شكرا يا أمي و يا أبويا 

شكرا يا عبد الله "يا زوجي " - ان شاء الله - 

شكرا يا رب :) 

يوم 2

من نعم ربنا علينا انه موجود

وجود ربنا في حد ذاته هو نعمة النعم

يعني ايه ربنا موجود؟

يعني لما تقول يارب تلاقي الف باب اتفتح

الف شمعه نورتلك طريقك

الف ايد طبطبت عليك

لما تقول يارب

بتبقى عارف ان فيه حد فضهرك

جنبك

ساندك

حاميك

لما تقول يارب

بتبقى عارف ان فيه حد حيفوتلك غلطاتك

حيرحمك

حيغفرلك و يسامحك لو غلطت فحقه

لما تقول يارب

بتحس ان فيه كيان عظيم موجود

اسمه

"الله"

العند

فعلا العند بيولد الكفر

و ايه اللي بيخلي العند يولد الكفر؟

لأنه بمنتهى البساطه بيعمي العنيد

بيخليه يقفل عينيه و يسد ودانه عن اي حاجه غير رأيه و بس

او اللي هو مصمم عليه

بيكابر يعترف بالحقيقه

بيترفع عن انه يتنازل بأي شكل من الاشكال

العند مرض

بعترف اني عنيده

الانسان لازم يتنازل

يبطل عند

يلين دماغه

يبطل مكابره

العند بيوصل للكفر

بلاش عند

بلاش كفر

اليوم 1

اليوم 1

هو من اهم الايام و اصعبها

فدائما الايام الاولى تكون من اصعب الايام و اقساها

لانجاح باقي الايام

لانجاح باقي المده

على الانسان احتمال اليوم الاول رغم مرارته

رغم قسوته

رغم صعوبته

على الانسان التحمل

للوصول الى الغايه

للوصول للهدف

للوصول للنهايه

فالمراد ليس بسهل

الوصول للمراد صعب

شديد الصعوبه

وللوصول للمراد

فعلى الانسان التحلي بالصبر

بالجلد

بالتروي

بالتأني

بتهيب النفس

هذب نفسك

تنل مرادك

اللهم لا تكلنا الى احد ولا لأنفسنا طرفة عين

امين يارب العالمين

قرار

قررت قرار

و ان ها القرار نابع من قرار

صادر عن ثرار

من القرار

الذي يسمى بالقرار

و اقر هذا القرار

بأن يكون اقرار للقرار

فان القرار اقرار

و اقرار القرار اعتراف ضمني بصحة القرار

مافيش مشكله

ماعنديش مشكله رئيسي يبقى ليبرالي

يبقى علماني

يبقى اشتراكي

يبقى ماركسي

يبقى شيوعي

ماعنديش مشكله حتى رئيسي يبقى كافر

يبقى ملحد

بس بشرط !!

يضمنلي حريتي

حرية تعبيري عن رئيي

حرية ممارسة شعائر ديني

حرية الاختيار فكل شيئ

مايكفرنيش لاختلافي مع توجهاته

مايتهمنيش بالعماله والتمويل لو اختلفت معاه

ما يشككش فوطنيتي

يحكم بالعدل.. وده الأهم!

اسلامنا و اسلامهم

اسلامنا يدعو للرحمه

يدعو للخير

يدعو الى الحكمه والموعظه الحسنه

يدعو الى حقن الدماء

يدعو الى السماحه

يدعو الى نشر الابتسامه

يدعو الى الحب

يدعو الى الود

يدعو الى كل ما هو طيب

أما عن اسلامهم

فعن اي دين تتحدثون؟

لأي دين تروجون؟

أبدين القتل و سفك دماء اخوانكم تدينون؟

أم دين التكفير و نشر الكراهيه والبغضاء تعلنون؟!

اتقوا الله و ارجعوا

فانتم تقتلون اخوانكم افلا تعقلون؟!!!!

مصر

يارب

يارب احمي مصر و احفظها

يارب

احفظ مصر و شعبها واهلها

يارب

انت عالم اننا نستحق حياه افضل

يارب

انت عالم و شاهد اننا مش وحشين

يارب

نيتنا الخير

يارب

كافئنا على اد نيتنا