نفسي ابقى قطه

سبب تاني قوي اوي يخليني اتمنى ابقى قطه

من يومين كانت فسدقه اخت بندقه عندنا

فسدقه مشيت من عندنا بقالها اكتر من تلات شهور

فسدقه كبرت و شكلها اتغير كتير

اتغيرت لدرجة انها ماعرفتش مامتها "سوشي"

ولا عرفت اختها بندقه

الغريب ان فسدقه و بندقه كانوا بياكلوا سوا

و بيلعبوا سوا

و حياتهم كلها سوا

عيش و ملح و عشره

بس هما دلوقتي مش فاكرين بعض

والغريب ان فسدقه كمان اخدت موقف الهجوم و الدفاع

القطط ذاكرتهم ضعيفه

مش بيفتكروا و ده غصب عنهم

نفسي ابقى قطه

عشان انسى بسرعه الحلو قبل الوحش

مالوش لازمه ..