تسعينات القرن الماضي

يااااااااه ايام التسعينات

ايام ابتدائي

ايام حضانه

ايام فوازير نيللي و شريهان

ايام هوانم جاردن سيتي و ليالي الحلميه

ايام القناه الاولى والتانيه

ايام النينجا ترتلز و مازنجر

ايام البراءه و النقاء و الرقي

يمكن ماكنش فيه تكنولوجيا

و كان الاتاري ايامها اختراع

بس كانت ايام حلوه

كان اكبر هم عند المواطن المصري

هو الفيلم اللي حيتعرض فنادي  السنيما

كان مافيش حاجه اسمها حد يتقتل فمظاهره

ولا ناس تطلع برشاشات فالشارع تموت و تقتل ناس تانيين

ولا ناس تتعارك و يوصل انهم يموتوا بعض بسبب اختلاف فكر سياسي

كان كل الناس بتسمع الشعراوي

ماكنش فيه حاجه اسمها اخواني سلفي مسلم مسيحي يساري يميني

ماكنش فيه

او يمكن انا ماكنتش اعرف

مش عارفه

بجد مش عارفه

بس متأكده ان الحياه كانت اكثر هدوءا

و اكثر سلما

كان فيه دفا

كانت الحياه طعمها حلو

و مصر كان شكلها حلو

هو ايه اللي حصل ؟؟؟؟؟؟؟؟؟ !!!!!!!!!!!!!!!!