موضوع اليورو ده مسيطر اوي عالناس اليومين دول خصوصا "المشجعات" اللي فبطولة اليورو
الموضوع ده تقريبا لحس مخ المصريين و سبب حاله من عدم الثقه بالنفس المزمنه عند المصريات
طيب نبدأ من الأول كده..
البنات الأوروبيات جميلات ماقولناش حاجه بس مين اللي قال ان البنات الشرقيات عموما والمصريات خصوصا قبيحات؟!! أو أقل جمالاً من بنات أوروبا؟! ليه مافيش اقتناع ان الجمال ده شيئ نسبي؟! ثم مين أصلا اللي حط مقاييس الجمال؟
مين قال ان العيون الزرقاء و الشعر الأصفر و البشره البيضاء هي قمة الجمال؟! ليه مش البشره السمراء و الشعر الاسود والعيون البنيه؟!
عارفين مين اللي عمل كده؟! الموضوع ده قديم قِدم الاحتلال .. الامبرياليه هي السبب الرئيسي والأساسي فكده.. هيمنة القوي العظمى فالعالم- اللي هي دول أوروبا- هي اللي فرضت علينا مقاييس الجمال والثقافه و الفكر و غيرها..
مثلا البنات الايرانيات غايه فالجمال انما مافيش اي حد بيقول عليهم حاجه .. ده تأثير الاعلام.. هما اللي بيروجوا لبنات اوروبا و لثقافة اوروبا و للحياه الاوروبيه
لو سألت نفسك ليه فيه رجاله مصريين كتير اوي بيتجوزوا أجنبيات و أجانب قليلين اوي بيتجوزوا مصريات بالرغم انك لو سألت اي أجنبي مسلم تحب تتجوز من انهي بلد حيقولك بنت مصريه او عربيه حتوصل لمبدأ ان الأجنبيه سهل انك تتجوزها انما المصريه صعب انك تتجوزها و مش أي حد ينول الشرف ده
أنا عن نفسي ماعنديش أي مشكله فواحده تبقى أجمل مني شكلاً ..مشكلتي الحقيقيه لو واحده أطهر مني قلباً
Be Yourself .. Be Happy :)
ليست هناك تعليقات:
إرسال تعليق