شجاعه

تفتكر انهي افضل

انك تواجه اخطاءك بشجاعه

ولا تهرب منها و تنزل من نظر نفسك؟

طبيعيتنا البشريه ممكن تخلينا نتكلم على بعض فضهر بعض

بس يا ترى انت شجاع كفايه

انك تواجه وتقول للي اتكلمت عليه ده فوشه؟

لو مخنوق من حد روح قوله فوشه

اوعى تبقى بوشين

عشان حتنزل من نظر نفسك

قبل ما تنزل من نظر الناس

اوعى تكون منافق

يمكن اللي حواليك يكرهوا صراحتك

يكرهوا مواجهتك

عشان جزء من الطبيعه البشريه

انه بيكره المواجهه

بيكره اي حاجه تفوقه

عاوز يفضل مغيب

ده افضله

اوعى تضحك فوش حد مش طايقه

يا تسامحه من جواك

يا تروح تواجهه

طب ولو اتكلمت عليه فضهره تعمل ايه؟!!

تروح تقوله فوراااااااا و بسرعه

قوله انا اتكلمت عليك سامحني

انت كده بتديله حرية الاختيار

و بتشيل من على نفسك حمل كبير

حرية الاختيار ليه انه يكمل معاك او لأ

انما لما تخدعه

انت كده بتجبره انه يفضل مكمل مع حد

او يتعامل مع حد بيخونه

زي ما كان عندك الشجاعه انك تتكلم عليه فضهره

انك تخون الامان

خليك بني ادم

خليك شجاع

خليك نضيف

روح واجهه

و اطلب منه السماح

انضف!

نضف نفسك

خليك انسان